What's new
SomaliSpace Forum,News,Videos,Chat and Discussion

Welcome to SomaliSpace forum,Register a free account today to become a member! Once signed in, you'll be able to participate on this site by adding your own topics and posts, as well as connect with other members through your own private inbox!

Gabdhow Boqolkaan Su'aal waydii Ninka aad aroosi rabtid!

Sundus

#Puntland Ku Dayo#
Staff member
Wadani
GABAR YAHAY, WIILKA 100 SU’AAL WEYDII, INTA AADAN GUURSAN

1
- Labadaada waalid ma nool yihiin?
2- Labadaada waalid haddii ay nool yihiin, miyay isqabaan?
3- Labadaada waalid maxay qabtaan?
4- Xiriirka adiga iyo labadaada waalid idinka dhexeeyaa waa mid caynkee ah?
5- Miyaad shaqaysaa?
6- Xaggeed ka shaqaysaa?
7- Mushaar intee la’eg baad qaadataa?
8- Imisa sano ayaad ka shaqaynaysay?
9- Shaqadaada iyo mushaarkaaga ma ku qasban tahay mise waad ku qnacsan tahay?
10- Akoon bangi ma ku leedahay?
11- Lacag keyd ahi ma kuugu jirtaa?
12- Waalidkaa miyaad la nooshahay mise keligaa ayaad nooshahay?
13- Guri ma leedahay mise kiro ayaad ku jirtaa?
14- Gaari ma wadi taqaan?
15- Rukhsadda gaari wadista ma haysataa?
16- Gaari ma leedahay?
17- Horay miyaad usoo guursatay?
18- Xaas iyo/ama carruur ma leedshay?
19- Goormaa kuu qorsheysan in aad guursatid?
20- Qofka aad guursanaysid waalidkaa in aad xulato ma kuu oggolyahay?
21- Ma jiraan qabiillo ama deegaanno gaar ah oo aanu waalidkaa jeclayn in aad ka guursatid?
22- Waalidkaa iyo walaalahaa saameyn intee la’eg bay ku yeelan karaan gurigaaga iyo guurkaaga?
23- Imisa carruur ah baad jeceshahay in aad dhashid?
24- Haddaan wax isu dhali weyno, naag kale ma ila guursaneysaa?
25- Laba xaas ama saddex ama afar in aad yeelato ma laga yaabaa?
26- Habeenkii miyaad saabbuun ku qubeysataa mise subaxdii?
27- Meeqa maalmood oo kasta ayaad qubeysataa?
28- Cadaygaagu ma buraash baa mise waa caday Soomaali?
29- Imisa jeer baad maalintii cadaysataa?
30- Marka aad raashinka cuntid, ilkaha cayngari miyaad ku bixbixisaa mise istakiin (fandhicil)?
31- Marka aad cadaysanaysid, dawada lagu luq-luqdo ma ku luq-luqataa?
32- Subaxdii cadayga kahor miyaad wax cuntaa/cabtaa mise keddib?
33- Xaashida saxara-tirta ma adeegsataa mise biyo uun baad ku dhaqataa?
34- Marka aad suuliga gashid, gacmaha saabbuun ma iskaga dhaqdaa?
35- Sigsaantu (shurraabaadku) haddaad maalin qaadatid miyay kaa uraan?
36- Habeenkii ma khuurisaa?
37- Marka aad sariirta tagtid dhaqso hurdo ma kaaga timaaddaa, mise muddo ayaad raadisaa?
38- Hurdada marka aad raadineysid, qofka kula jiifa in aad u sheekeysid miyaad jeceshahay, mise in aad aamusnaan ku raadisid?
39- Salaadda subax ma’u kacdaa?
40- Qur'aanka wax ma ka taqaan?
41- Salaadaha shanta ah mid walba waqtigeeda ma tukataa?
42- Guriga miyaad jeceshahay in aad ku tukatid, mise masjidka in aad aaddid?
43- Dhiiggaaga noociisa ma garanaysaa?
44- TB (Qaaxo) hadda kahor ma lagaa daweeyey?
45- Cagaarshow hadda kahor ma kugu dhacay?
46- Kaadi-macaan (Sonkorow) ma qabtaa?
47- Dhiig-kar ma qabtaa?
48- Raashinka noocyadeed jeceshay in aad cuntid?
49- Marka aad qubaysatid, shiir bi'iye (deodorant) ma marsataa?
50- Haddaad i guursanaysid, mahar maxaad iiga dhigaysaa?
51- Arooskeenna qaabkeed rabtaa in aad u dhigtid?
52- Emaillada iyo akoonnada in la iska akhriyo ma oggoshahay?
53- Akoon wadajir ah ma furaneynaa?
54- Akoonkaaga waxa ku jira in aan ogaado ma oggoshahay?
55- Hiwaayad aad ciyaartid ama daawatid ma leedahay?
56- Sigaar ma cabtaa?
57- Jaad ma cuntaa?
58- Balwad kale ma leedahay?
59- Cudurrada la’is qaadsiiyo wax ka mid ah ma qabtaa weligaase ma kugu dheceen?
60- Carruurta in la kala fogeeyo maxaad ka qabtaa?
61- Haddaan dhowr gabdhood isku xijiyo, xiriirkeenna maxaa iska beddelaya?
62- Waalidkay iyo walaalahay noloshoodu maxay kaaga dhigan tahay?
63- Waalidkay iyo walaalahay haddii ay xag maaliyadeed isoo mutaan, wax ma’u taraysaa?
64- Ninku keligiis in uu shaqeeyo miyaad aaminsan tahay mise labada ruux inay shaqeeyaan?
65- Xaaskaaga maalkeeda maxaad ka aaminsan tahay?
66- Xaaskaagu lacagta ay shaqayso maxaad ka aaminsan tahay?
67- Xaaskaagu haddii ay carruur dhasho, shaqada ma sii wadaysaa mise guri joog bay moqonaysaa?
68- Raashin weligaa ma karisay?
69- Yaadan rabin in uu ila hadlo?
70- Hadduu is-faham waa ina dhex maro, yaad u oggoshahay in uu khilaafkeenna wax ka ogaado ama xalkiisa ka qaybgalo?
71- Xiriirradeydii hore ma daneyneysaa in aad wax ka ogaatid?
72- Maxaa keeni kara in aad hadalka iga goosatid?
73- Marka aad tiraahdid "waxaas baan sameynayaa" oo aadan samayn, qaabkee ugu wanaagsan oo aan kuu xusuusin karo?
74- Adiga oo agtaada lagu hadlayo ma hurdi kartaa?
75- Nalka oo daaran ma hurdi kartaa?
76- Salaadda subax in aan kuu toosiyo ma jeceshahay?
77- Dhibaato dhaqaale marka ay kula soo deristo, maxaad dareentaa?
78- Duruufo degdeg ah oo imaan kara lacag meel ma u dhigataa?
79- Haddii aad tahay dadka carruurta badan aan rabin, sababtu waa maxay?
80- Haddii aad tahay dadka carruurta kala dheerayntooda jecel, sababtu waa maxay?
81 Xaaskaaga dahab iyo dhar muddo intee la'eg oo kasta ayaad jeceshahay in aad u gaddid?
82- Wiilal miyaad jeceshahay in aad dhashid mise gabdho?
83- Xaaskaagu haddii ay xanuusato, shaqada guriga in aad qabatid, maxay kula tahay?
84- Xaaskaaga oon xanuusanayn, raashin ma u karin lahayd?
85- Raashinka guriga iyo kan maqaayadda yaad jeceshahay?
86- Xaaskaaga maqaayad ma u kaxayn lahayd?
87- Xaaskaaga dalxiis ma u kaxayn lahayd?
88- Maalinta aad shaqada fasaxa ka tahay, maxaad jeceshahay in aad qabatid?
89- Waqtigaaga firaaqada, xaaska iyo carruurta miyaad jeceshahay in aad la qaadatid, mise asxaabtaada?
90- Hadiyad in aad xaaskaaga u keentid ma jeceshahay, maxayse taraysaa bay kula tahay?
91- Waa kuwee, adiga oo soo koobaya, sifooyinka ugu mudan ee aad jeclaan lahayd xaaskaagu in ay lahaato?
92- Carruurtaadu dugsi noocee ah ayaad jeceshahay inay wax ku barato?
93- Xaggeed jeceshahay inay carruurtaadu ku korto?
94- Muxuu yahay hab-dhaqanka aadan ku jeclayn xaaskaaga?
95- Sidee kalsoonida aad xaaskaaga ku qabtaa ku lumi kartaa?
96- Ma laga yaabaa in aad xaaskaaga u gacan qaaddid?
Carruurtu haddii ay gefto ma garaaci lahayd?
97- Xaaskaagu haddii ay ku caydo, maxaad samayn lahayd?
98- Xaaskaaga, haddii aad wax isku qabataan, ma in aad doodda waddaan ilaa mid kan kale qanciyo ayaad jeceshahay, mise in la kala aamuso?
99- Xaaskaaga haddii aad isku dhacdaan oo labadiinna mid uu guriga ka baxayo, ma iyadu inay baxdo ayaad rabi lahayd, mise in aad adigu baxdid?
100- Waa maxay ceebaha aad leedahay ee aad isku ogtahay?

Afeef: Fadlan, xuquuqda qoraalka ilaali.

W/Q
Sabriye Musse
moqokori@gmail.com
 
General chit-chat
Help Users
  • No one is chatting at the moment.
    There are no messages in the chat. Be the first one to say Hi!
    Top